La Horcajada - Foto de la tortuga de piedra hace 30 años

EL BARQUERU...

EL BARQUERU
ººººººººººººº

Idin que diju barqueru
que le avían equibocau,
que pol culpa de la moza
le dierun pol ajogau.

Esu me enteré yo ayel
que la moza jociquea,
anda a metel el jocicu
pa quel barqueru la vea.

Son las cosas de la vida
tieni que sabel jadel´lu,
y si no lo jadi bién
al talandangu aprendelu…….
Respuestas ya existentes para el anterior mensaje:
xx- CASTUU SERRAILLANU. 2.012
ººººººººººººººººººººººººººº

En mi pueblu Serrailla
Lo tenemus mú. Presenti,
Si la crisi es un tormentu
Lo sabremus pol la genti.

El jablal en serraillanu
Es una cosa corrienti,
Si cantaramus asina
Nos aplaudiría la jenti.

Bamus a empezal las fiestas
Que se noti el alborotu,
Y que la genti lo Baily
Jasta que se baji el chochu.

Y yo no pueu acabal
Sin comental bandolerus,
Una gran obra de arti
Anunciá pol to los pueblus.

Y la genti me pregunta
¡Que pasa con cabrerín!
Ya me tienin rebolvíu
Yo ya nosé lo que idil.

Mese traba la cabeza
Y la lengua ya se enrea,
Pa las fiestas ya veremus
Los bolsillus y las perras.
ºººººººººººººººººººººººººººººº ºººººººººººººººººººººººººº
Alonso Gonzalo Alonso Sánchez