Joy 18- de Agostu
Joy tal día comu esti,
Jadi diecisieti añus,
Tú te juistis de esta vía,
¡Ya te estaban esperandu!
Palti túya aquí queó
Conformandunus a tós
Con esas lindas poesias
Que tu amigu las juntó.
Me acuerdu del pingurutu,
Y aquel día de luna llena,
Cuandu comiamus los jigus
De aquella verdi jiguera.
No mese olvía el trapajadu
Que pol bajal cuesta baju
En un bonchi vini a dal,
¡La suelti vinu conmigu!
Y cuandu quisi miral,
Un cachu de jamusquina
A mi boca jue a paral,
¡Queandumi yá tontinu!.
Luego vi los golondrinus
Del zipotazu que dí,
No terminarun los sustos
Ni llegamus a Madrid.
Peru luegu mas alanti
Con la boca encasquetá
Estaba una mairoñera
Que me esperaba sin más.
¡Yo roe a una pariera!
Que tenía el agua pará,
Ésa golía a perru pochu
No se poia respiral,
¡Que trancumánia muchachu!.
Ya no poiamus andal,
Nos metímus pol la juerta,
Pa encendel la chimenea
Y polelmus calental.
En tonci llegó el jerreru,
El de la fragua de al lau
Y con muchu cachondeu
Mos quería dal un jelau.
Salimus tos de juya
Y sin miral pa atrás,
No vimus el turrumberu
Y volvimos a roal.
¡Cayendu comu pelotas!
¡Jasta abaju y sin paral!
Yo ya estoy mediutontinu
No quisiera trabucalmi,
Piensu que estoy de paseu
Y me salgu pol las callis.
Pol esu yo no pueu sel,
El que siga tu talanty,
Solu lo jagu Pol ti
Y así poel recordalti.
ºººººººººººººººººººººººººººººº ººº
Alonso Gonzalo Alonso Sánchez
Leida en la Plazuela el día del jabla serraillana
21-8 2010- por su autol
Joy tal día comu esti,
Jadi diecisieti añus,
Tú te juistis de esta vía,
¡Ya te estaban esperandu!
Palti túya aquí queó
Conformandunus a tós
Con esas lindas poesias
Que tu amigu las juntó.
Me acuerdu del pingurutu,
Y aquel día de luna llena,
Cuandu comiamus los jigus
De aquella verdi jiguera.
No mese olvía el trapajadu
Que pol bajal cuesta baju
En un bonchi vini a dal,
¡La suelti vinu conmigu!
Y cuandu quisi miral,
Un cachu de jamusquina
A mi boca jue a paral,
¡Queandumi yá tontinu!.
Luego vi los golondrinus
Del zipotazu que dí,
No terminarun los sustos
Ni llegamus a Madrid.
Peru luegu mas alanti
Con la boca encasquetá
Estaba una mairoñera
Que me esperaba sin más.
¡Yo roe a una pariera!
Que tenía el agua pará,
Ésa golía a perru pochu
No se poia respiral,
¡Que trancumánia muchachu!.
Ya no poiamus andal,
Nos metímus pol la juerta,
Pa encendel la chimenea
Y polelmus calental.
En tonci llegó el jerreru,
El de la fragua de al lau
Y con muchu cachondeu
Mos quería dal un jelau.
Salimus tos de juya
Y sin miral pa atrás,
No vimus el turrumberu
Y volvimos a roal.
¡Cayendu comu pelotas!
¡Jasta abaju y sin paral!
Yo ya estoy mediutontinu
No quisiera trabucalmi,
Piensu que estoy de paseu
Y me salgu pol las callis.
Pol esu yo no pueu sel,
El que siga tu talanty,
Solu lo jagu Pol ti
Y así poel recordalti.
ºººººººººººººººººººººººººººººº ººº
Alonso Gonzalo Alonso Sánchez
Leida en la Plazuela el día del jabla serraillana
21-8 2010- por su autol